Kun si Jesu Cristo an Satong Hade

 

Giya sa Prayer-Meeting nin mga Saradít na Komunidad nin Pagtubód (SAKOP) para sa semana kan Noviembre 24-30, 2024. Basahon an Evangelio gikan sa Juán 18,33-37 (Solemnidad ni Cristong Hadè - B).

…

Iníng Evangelio sa Solemnidad ni Cristong Hadè daí nag-iistorya ki Jesu Cristo bilang mamuraway na hadè na nakatukaw sa Saiyang trono. Kundî bilang saróng preso na pinapasupog asín napapairarom sa interogasyón sa korte ni Poncio Pilato. 

Ipinahayag Niyá na Siyá man nanggad Hadè, alagad bakô siring sa kaisipán ni Poncio Pilato asín kan Imperio Romano. Kayâ Siyá hinukumán nin kagadanan, asín an Saiyang krimen nakasurat sa pamayohán kan cruz na pinagpakoan Saiya: INRI (Iesus Nazarenus Rex Iudaeorum, na an kahulugán: Jesús Nazareno Hadè kan mga Judío). Anó man nanggad an boót sabihon kan pagkahadè ni Cristo?

Siyá an Hadè nin langit asín dagâ. 

Sa Evangelio sinabi ni Jesús ki Pilato na an Saiyang pagkahadè bakóng gikan sa kinâban na iní – nin huli ta Siyá an Hadè nin langit. Asín sa Daniel 7,14, pigprofesía na an Akì nin Tawo “tinâwan nin kapangyarihan, kamurawayan, asín kahadèan; asín an gabós na banwaan, nación, asín lengguahe nagi Niyáng lingkod.” Sa Kapahayagan 1,5, inapód Siyáng “hadè kan mga hadè sa dagâ”.

Alagad kan tinâwan ni Pilato an mga Judío nin oportunidad na paluwasón si Jesús na Hadè asín pinapilì sinda, Siyá o si Barrabás na mahâbas, pinilì kan mga tawo si Barrabás. Hanggang ngonian pinipilì pa man giraray nin kadakul na tawo an mga mahâbas, mga parautik, asín mga paragadan. 

Kun si Cristo an satóng Hadè, pipilion ta Siyá asín an Saiyang Evangelio, bakô an mga padagka asín panlalanse kan mga makapangyarihan sa satóng ronâ. An Saiyang paarog asín kabôtan iyó lugód an magin mga basehan kan satóng pagpipilì sa mga pamayó kan satóng banwaan pag-abót kan eleksyón.

Siyá an Hadè sa gabós na panahón.

Sa Kapahayagan 1,8, nasusurat: “’Akó an Alfa asín an Omega’, olay kan Kagurangnan, na iyó an Diós, an Danay, an Dati, asín an Mádatóng, an makakamhan sa gabós.” Yaon Siyá kan paglaláng nin kinâban, susog sa Juán 1,1: “Sa kapinônan, an Tataramon; an Tataramon yaon sa Diós; Diós an Tataramon.” Sa Credo Niceno-Constantinopolitano, ipinapahayag ta na si Jesu Cristo, satóng Kagurangnan, “nagtutukaw sa tóo kan Amâ. Asín mamuraway na mábalík, sa paghukóm sa mga buháy asín mga gadán, an Saiyang kahadèan daíng katapusan.”

Kitáng mga nabubuhay sa panahón, namòtan kan satóng Hadè bágo pa kitá namundag asín tinàwan nin búhay na daíng kasagkoran. Kun si Cristo an satóng Hadè, tinatàwan ta man daw Siyá nin maninigong panahón sa pagsimba asín pamîbî, sa pag-adal kan Biblía asín mga katukdoán kan Simbahan tanganing padagos pa Siyáng mamidbidan asín maaraman an Saiyang kabôtan, asín sa pagkamoot sa kapwang nangangaipo?

Siyá an Hadè kan satóng búhay.

An Solemnidad ni Cristong Hadè tinogdas ni Papa Pio XI kan taón 1925, panahón sa Europa kun kasuarín nagpopoón na an pagkusog kan mga ideolohiyang sinisikwal an Diós asín pinapaoróg an mga kaisipán nin tawo asín kinâbanon na kapangyarihan, siring kan secularismo, comunismo, asín fascismo. 

Sa saiyang surat na Quas Primas (33) sinabi ni Papa Pio XI: “Kaipuhan maghadè Siyá sa satóng isip sa pagtubód sa mga katotoohan asín katukdoán ni Cristo. Maghadè Siyá sa satóng boót sa pagsunód sa mga tugon asín kabôtan nin Diós. Maghadè Siyá sa satóng pusò sa pagkamoot sa Diós oróg sa gabós asín pakisumarò sa Saiya saná. Maghadè Siyá sa satóng hawak sa pagigin instrumento para sa kabanalan asín hustisya nin Diós.”

Kun si Cristo satóng Hadè, andam daw kitang idusay an bilog tang sadiri sa paggibo kan Saiyang kabôtan?

…

GIYA SA PAGHIRÁS SA SADÍT NA KOMUNIDAD O PAMILYA | Maghirás nin experiencia na pinaoróg mo an pagsunód sa kabôtan ni Jesu Cristo satóng Hadè kisa sadiring kabôtan o kinâbanon na tentación.

PASUNÓD-SUNÓD KAN WEEKLY SAKOP/FAMILY PRAYER-MEETING | Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Prayers of the People • Closing Prayer • (Spontaneous and Our Father) • Closing Song

Lingkod, Pastor, Hukóm, Hadè

 

Giya sa Prayer-Meeting nin mga Saradít na Komunidad nin Pagtubód (SAKOP) para sa semana kan Noviembre 26 – Diciembre 2, 2023. Basahon an Evangelio gikan sa Mateo 25,31-46 (Solemnidad ni Cristong Hade - A).

…

An Evangelio sa Solemnidad kan satong Kagurangnan Jesu Cristo, Hadè kan Gabós na Linaláng, iyo an Parábola kan Huríng Paghukóm, an huríng parábola sa Evangelio ni San Mateo.

Si Cristo satong hadè. Sa Saiyang ministerio publico tinukdô Niya an marhay na baretà kan pagdatóng kan Saiyang Kahadean sa paagi nin mga parábola asín mga gibong herak. Bâgo Siya suminakát sa langit, iní an sinabi Niya sa Mateo 28,18: “Itinaó Sako an gabós na autoridad sa langit asín sa dagâ.” Alagad an Saiyang pagkahadè bakóng siring sa tinòdan nin mga tawo kun anó an hadè.

An Hadè bilang Lingkod. An paghonà nin kadakul na mga Judío sa panahón ni Jesús iyó na an maabot na Mesías saróng matibay na lider militar na dadaogón an mananakop na Imperio Romano, alagad an duminatóng sarong mahuyong lingkod. Sa Isaías 53, may profesía pa nganì na ining lingkod maagi nin makuring pasakit.

Sinabi Niya sa Mateo 20,26-28, sa Saiyang mga disipulos na minsan nagpasuruhay kun siísay an pinakamatibay sainda: “An boót sa saindo magin dakulà, magin nindong paralingkod; asín an boót sa saindo magin enot, magin nindong oripon. Siring na an Akì nin Tawo daí nagdigdi para paglingkodan, kundî para maglingkod asín itaó an buhay niyang pantubós para sa dakúl.”

Kayâ sa Saiyang mga tataramon asín gibo, tinukdoán Niya kita na an tamang pagkapót nin kapangyarihan iyó an dalan nin paglingkod, asín an pagigin marhay na pamayó iyó an pagtalubò sa kapakumbabaan.

An Hadè bilang Pastor. Nagpamidbid man Siya bilang Pastor. Sinabi Niya sa Juan 10,11: “Ako an marhay na pastor. An marhay na pastor idinodolot niya an sadiri para sa mga karnero.” Sa Parábola kan Nawáwaráng Tupa, piglinaw Niya an Saiyang prioridad: an mga nawawarà. Sa Lucas 19,10 sinabi Niya: “An Akì nin Tawo nagdigdi sa paghanap asín pagligtas kan nawawarà.” Kayâ namidbidan Siyang haraní sa mga parakasalà asín sa mga sinisikwal nin sociedad, tanganing, sa pagkaherak asin katotoohan, darhon sinda sa katalingkasan.

Bilang Hadè si Cristo an sukolán kun sa karahayan o sa karâtan kita dinádará kan mga namámayó sato digdi sa dagâ. Kun sinda nagpapatubód na tanganing makamit an katoninongan asín seguridad, kaipuhan na isikwál asín gadanón an mga nawawarà sa dalan asín mga alegadong kriminál; o sa ngaran nin paglaban sa terorismo, maninigong isacrificio nin basang an mga buhay asín rogaring nin kadakul na inocentes – bakô sinda mga pamayó susog sa pusò kan Marhay na Pastor.

An Hadè bilang Hukóm.  Sa Saiyang Ikaduwáng Pagdatóng bilang hadè, huhukomán Niya an kinâban. Sa Credo Niceno-Constantinopolitano pinapahayag niato na si Cristo “nagtutukaw sa tóo kan Amâ. Asín mamuraway na mabalik sa paghukóm sa mga buháy asín mga gadán, an Saiyang kahadean daíng katapusan.”

Pagkaherak an sukolán Niya sa paghukóm sa katawohan. Sa Mateo 13,9 sinabi Niya: “Lakáw, kanòdan nindo kun anó an boót sabihon kainí: pagkaherak an mâwot Ko, bakô sacrificio”. Asín sa Mateo 25,40 sinabi man Niya: “An anó man na ginibo nindo sa sarô kainíng mga tugang Kong oróg kasadít, Sako nindo iyan ginibo.”

Kayâ pag-abót kan aldaw na iyan, huhukomán kita ni Cristo segun sa kun anó an ginibo ta sa biyayà nin kaligtasan na tinaó Niya sato, sa gabós na karahayan na winaras Niya sato, asín sa kapwang nangangaipo na binoót Niyang magin satong dalan sa kaligtasan.

Boót sabihon, huhukomán Niya kita kun gurâno kita nagin kabaíng sa Saiya sa pagkamaimbod, pagkaherak, asín pagkámoót. Viva el Cristo Rey!

…

GIYA SA PAGHIRÁS SA SADÍT NA KOMUNIDAD O PAMILYA • Maghirás nin experiencia na pinilì mong si Jesu Cristo nanggad an maghadè sa saimong pusò.

PASUNÓD-SUNÓD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Prayers of the Faithful • Closing Prayer (Spontaneous and Our Father) • Closing Song

 

An Saiyang Kahadean Daing Kataposan

Giya sa Prayer-Meeting nin mga Saradit na Komunidad nin Pagtubód (SAKOP) para sa semana kan Nobyembre 20-26, 2022. Basahon an Evangelio gikan sa Lucas 23,35-43 (Solemnidad ni Cristong Hadè).

…

Sa huring Domingo kan calendario liturgico kan Simbahan sinecelebrar niato an Solemnidad kan Satong Kagurangnan Jesu Cristo, Hadè kan Gabós na Linalang, o an Solemnidad kan Cristo Rey.

Si Cristo an hadè na nasusurat sa mga profesía sa Lumang Tipan. Kan nakipagtipan an Dios ki Hadeng David, kaiba kaini an panugâ sa 2 Samuel 7,12-13: “Gigibohon kong hadè an sarô kan saimong mga aking lalake asin papakusugón ko an saiyang kahadean. Siya an matugdok nin Templo para Sako, asin gigibohon kong magdanay an Saiyang trono sagkod pa man.” Kaya minapahayag kita sa Credo Niceno-Constantinopolitano na an “Saiyang kahadean daíng kataposan”.

Siya man an Alpha asin Omega, an kapinònan asin kataposan. Giraray halè sa Credo: Siya an “Bogtong na Aki kan Dios, asin namundag gikan sa Ama bàgo kan gabós na panahon. Dios na gikan sa Dios, ilaw na gikan sa ilaw, totoong Dios na gikan sa totoong Dios, ipinangakì daí linaláng, sarô sa pagkadios sa Ama: huli Saiya nagkaigwa kan gabós. Huli sa satong mga tawo asin huli sa satong kaligtasan, naghilig Siya halè sa kalangitan.”

Kun si Jesu Cristo an satong hadè, ano an kahulugan kaini para sato? Na akoon ta an Saiyang pagkahadè sa bilog niatong buhay. Nin huli ta sabi ni San Pablo sa Colosas 1,14: “sa Saiya yaon an satong kaligtasan, an kapatawadan sa satong kasâlan.”

Magpasakop kita sa satong Hadè.  An pinakatandâ na inaakò ta si Cristo bilang satong hadè iyo na sinusunod ta an Saiyang kabòtan, bakô an satong sadiring kagustuhan. Sinabi Niya sa Lucas 5,32: “Daí ako nagdigdi sa pag-apod kan mga matanos, kundi kan mga parakasalà tanganing sinda magsolsol.” An mga matanos sa textong ini iyo idtong mga matanos sa saindang sadiring paghonà, alagad bakô sa matá nin Dios.

Kun bakô si Cristo an nakakasakop sato, may ibang tinotogotan kitang sakopon an satong sadiri – pwedeng an satong mga pangarap o ambisyon, mga bisyo, mga minalipas na kaogmahan, mga mahal sa buhay, o makapangyarihan sa kinàban na satong sinasarigan. Alagad daíng ibáng makakaarog Saiya nin huli ta sosog sa mga Gibo 4,12: “An kaligtasan makukua saná ki Cristo; daíng ibang ngaran na itinaó an Dios sa bilog na kinàban na makakaligtas sato.”

Maglakáw kita sa dalan kan Hadè. Sa Juan 14,6, an satong Hadè nagsabi: “Ako an dalan, an katotoohan, asin an buhay.” Sa Solemnidad ni Cristong Hadè an evangelio iyo an pagtuyâ-tuyâ ki Cristo – mantang Siya nakapakò asin naghihingagdan sa cruz – kan mga pamayó kan banwaan, mga soldados, ni Poncio Pilato na nagpakaag kan karatulang INRI (Iesus Nazaranus Rex Iudaeorum o Jesus Nazareno Hadè nin mga Judio) sa itaas kan cruz, asin kan sarô sa mga kaiba Niyang nakapakò man. An dalan kan cruz iyo an dalan ni Cristong Hadè.

Kadakul an namomoot sa kapangyarihan, alagad si Cristo ipinahilíng an kapangyarihan nin pagkamoot. Kadakul an nagmamàwot na magin dakulà asin mayaman, alagad si Cristo nagpakadukhâ asin nakisumarò sa mga dukhâ asin karadayán. Kita makasadiri, si Cristo nagsakripisyo kan sadiri para sato. Madalî tang lingawán an kabòtan kan Ama kun bakô conveniente sato, si Cristo nagpahilíng nin radikál na pagsunód sa kabòtan kan Ama.

Oro-otro sa pagtarám an mga nagtutuyâ-tuyâ ki Jesus na iligtas Niya an Saiyang sadiri sa cruz – nin huli ta ini tandâ kan saindang kaisipan dapit sa kapangyarihan asin sadiring karahayan – alagad malinaw sa satong Hadè kun natà nakapakò Siya sa cruz: tanganing iligtas kita gabós. Pilion ta man lugód na magpasakop sa Saiya asin maglakáw sa Saiyang dalan. Viva Cristo Rey!

…

GIYA SA PAGHIRÁS SA SADÍT NA KOMUNIDAD O PAMILYA • Pàno mo masasabi na si Cristo an saimong hadè?

PASUNOD-SUNOD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer/Silence • Gathering Song • Opening Prayer • Gospel Reading • Reflection • Sharing of Faith Experience • Prayers of the Faithful • Closing Prayer (Spontaneous and Our Father) • Closing Song

 

Kun si Cristo an Satong Hade

 

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Noviembre 21-27, 2021. Basahon an Ebanghelyo gikan sa Juan 18,33-37 (Solemnidad ni Cristong Hade - B) .

…

Ining ebanghelyo sa Solemnidad ni Cristong Hade dai nag-iistorya ki Jesu Cristo bilang mamuraway na hade na nakatukaw sa Saiyang trono. Kundi bilang sarong preso na pinapasupog asin napapairarom sa interogacion sa korte ni Poncio Pilato. Ipinahayag Niya na Siya man nanggad hade, alagad bako siring sa kaisipan ni Poncio Pilato asin kan Imperio Romano. Kaya Siya hinukuman nin kagadanan, asin an saiyang krimen nakasurat sa pamayohan kan krus na pinagpakoan Saiya: INRI (Iesus Nazarenus Rex Iudaeorum, Jesus Nazareno Hade kan mga Judío).” Ano man nanggad an boot sabihon kan pagkahade ni Cristo?

Siya an Hade nin langit asin daga.  Sa ebanghelyo sinabi ni Jesus ki Pilato na an Saiyang kahadean bako sa kinaban na ini. Siya an hade nin langit. Asin sa Daniel 7,14, pigprofesía na sa Aki nin Tawo “itinao an kapangyarihan, kamurawayan, asin kahadean. Nagin surugoon niya an mga tawo sa  gabos na banwaan asin gabos na tataramon.” Sa Kapahayagan 1,5, inapod Siyang “hade kan mga hade sa daga”.

Alagad kan tinawan ni Pilato an mga Judío nin oportunidad na paluwason si Jesus na hade asin pinapili sinda, Siya o si Barrabas na mahabas, pinili kan mga tawo si Barrabas. Hanggang ngonian pinipili pa man giraray nin kadakul na tawo an mga mahabas, an mga parautik, asin an mga paragadan.

Kun si Cristo an satong hade, pipilion ta Siya asin an Saiyang Ebanghelyo bako an padagka asin panlalanse kan mga makapangyarihan sa satong rona. An Saiyang paarog asin kabotan iyo man lugod an magin mga basehan kan satong pagpipili sa mga pamayo sa satong banwaan.

Siya an Hade sa gabos na panahon. Sa Kapahayagan 1,8, sinabi, “’Ako an Alfa asin an Omega’, olay nin Dios na Kagurangnan, ‘na ngonian, kaidto, asin madatong, an Makakamhan’.” Yaon Siya sa paglalang kan kinaban. Sinabi sa Juan 1,1, “Sa kapinonan iyo an Tataramon; an Tataramon kaibahan nin Dios, an Tataramon Dios”. Sa Credo Niceno-Constantinopolitano, ipinapahayag niato na Siya “nagtutukaw sa too kan Ama. Asin mamuraway na mabalik sa paghukom sa mga buhay asin mga gadan, an Saiyang kahadean daing kasagkoran”.

Kitang mga nabubuhay sa panahon, namotan kan satong hade bago pa kita namundag asin tinatawan nin buhay na daing kasagkoran. Kun si Cristo an satong hade, tinatawan ta man daw Siya nin maninigong panahon sa pagsimba asin pamibi, sa pagmibid pa Saiya asin sa Saiyang kabotan sa pag-adal nin Biblia asin mga katukdoan kan Simbahan, asin sa pagkamoot sa kapwang nangangaipo?

Siya an Hade kan satong buhay. An Solemnidad ni Cristong Hade tinogdas ni Papa Pio XI kan taon 1925, panahon sa Europa kun kasuarin nagpopoon na an pagkusog kan mga ideolohiyang sinisikwal an Dios asin pinapaorog an mga kaisipan nin tawo asin kinabanon na kapangyarihan, siring kan secularismo, comunismo, asin fascismo. Sa saiyang surat na Quas Primas (33) sinabi ni Papa Pio XI: “Kaipuhan maghade Siya sa satong isip sa pagtubod sa mga katotoohan asin katukdoan ni Cristo. Maghade Siya sa satong boot sa pagsunod sa mga tugon asin kabotan nin Dios. Maghade Siya sa satong puso sa pagkamoot sa Dios orog sa gabos asin pakisumaro sa Saiya sana. Maghade Siya sa satong hawak sa pagigin kaining instrumento para sa kabanalan asin kan hustisya nin Dios.”

Kun si Cristo satong hade, andam daw kitang idusay an bilog tang sadiri sa paggibo kan Saiyang kabotan?

…

GIYA SA PAGHIRAS SA SADIT NA KOMUNIDAD O PAMILYA • Maghiras nin experiencia na pinaorog mo an pagsunod sa kabotan ni Jesu Cristong satong hade kisa sadiring kabotan o kinabanon na tentacion.

PASUNOD-SUNOD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Closing Prayer (Spontaneous and Our Father) • Closing Song

 

 

Lingkod, Pastor, Hukom, Hade

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Nobyembre 22-28, 2020. Basahon an Evangelio gikan sa Mateo 25,31-46 (Solemnidad ni Cristong Hade).                                                                                                                                   

Ini an huring parabola sa Evangelio ni San Mateo, an parabola kan ikaduwang pagdatong kan Aki nin Tawo sa kamurawayan bilang hade asin hukom. Ini an pagbasa sa Solemnidad ni Cristong Hade.

Si Cristo satong hade. Sa Saiyang ministerio publico tinukdo Niya an marhay na bareta kan pagdatong kan Saiyang Kahadean sa paagi nin mga parabola asin mga gibong herak. Bago Siya suminakat sa langit, ini an sinabi Niya sa Mateo 28,18: “Itinao sako an gabos na kapangyarihan sa langit asin sa daga.” Alagad an Saiyang pagkahade bakong siring sa tinòdan nin mga tawo kun ano an hade.

An Hade bilang Lingkod. Naghona an dakul na mga Judio sa panahon ni Jesus na an maabot na Mesias sarong matibay na lider militar na dadaogon an mananakop na Imperio Romano, alagad an duminatong sarong mapakumbaba asin maimbod na lingkod. Sabi ni Jesus sa Marcos 10,45: “An Aki nin Tawo dai nagdigdi tanganing paglingkodan, kundi tanganing maglingkod asin magdusay kan buhay Niya tanganing matubos an dakul na tawo.”

Bilang lingkod, tinukdoan Niya kita kun pano magin marhay na pamayo. Sa saiyang mga disipulos na minsan nagpasuruhay kun siisay an pinakamatibay sainda, sinabi Niya sa Mateo 20,26-28: “Bakong arog kaiyan an dapat mangyari saindo. An siisay man saindo na boot magin dakula dapat magin surogoon nindo. An siisay man na boot magin enot, dapat magin oripon nin gabos; arog kan Aki nin Tawo.”

An Hade bilang Pastor. Siring man, nagpamidbid Siya bilang Pastor. Sinabi Niya sa Juan 10,11: “Ako an marhay na pastor. An marhay na pastor minadusay kan saiyang buhay para sa mga karnero.” Sa Parabola kan Nawawarang Tupa, inistorya ni Cristo an saiyang prioridad: an mga nawawara. Sa Lucas 19,10 sinabi Niya: “An Aki nin Tawo nagdigdi sa paghanap asin pagligtas kan nawawara.”

Bilang Hade si Cristo an sukolan kun sa karahayan o sa karatan kita dinadara kan mga namamayo sato digdi sa daga. Nin huli ta may mga naghahade-hadean sa ngonian na nagpapatubod na tanganing makamit an katoninongan asin seguridad kan mga ciudadano, kaipuhan na isikwal asin gadanon an mga nawawara asin bako pasado sa saindang moralidad.

An Hade bilang Hukom.  Bilang hade Siya saro man na hukom. Sa Nagtutubod, pinapahayag niato na si Cristo “nagtutukaw sa too kan Ama. Asin mamuraway na mabalik sa paghukom sa mga buhay asin mga gadan, an Saiyang kahadean daing katapusan.” Sa katunayan, may naenot nang paghukom sato an Dios sa paagi ni Jesu Cristo – sabi ni San Pablo sa 1 Timoteo 2,4: an Dios “nagmamawot na an gabos makaligtas saka makamidbid kan katotoohan”.

Kaya pagdatong kan aldaw na iyan, huhukoman kita ni Cristo segun sa kun ano an ginibo ta sa biyaya nin kaligtasan na tinao Niya, sa gabos na karahayan na winaras Niya sato, asin sa kapwang nangangaipo na binoot Niyang magin dalan niato sa kaligtasan. Huhukoman Niya kita kun gurano kita nagin kabaing sa Saiya sa pagkamaimbod asin pagkamoot.

Viva el Cristo Rey!

GIYA SA PAGHIRAS SA SADIT NA KOMUNIDAD O FAMILIA • Maghiras kun sa panong paagi masasabi na si Jesus naghahade sa saimong puso.

PASUNOD-SUNOD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Closing Prayer (Spontaneous and Our Father) • Closing Song

The Way of the King

HOMILY
Solemnity of Christ the King – C – 21 November 2010

Readings: 2 Sam 5:1-3; Ps 122:1-2, 3-4, 4-5 ; Col 1:12-20; Lk 23:35-43


On the last Sunday of the liturgical calendar, we celebrate the Solemnity of Christ the King. The timing brings to the fore the message of Rev 1,8: “He is the Alpha and Omega, the beginning and end.” He is the Lord of time and eternity, He is King of all.

1. Christ is the King of the Universe

Col 1,16-20 describes Christ’s dominion and kingship: “All things were created through him and for him. He is before all things, and in him all things hold together. He is the head of the body, the church. He is the beginning, the firstborn from the dead, that in all things he himself might be preeminent. For in him all the fullness was pleased to dwell, and through him to reconcile all things for him, making peace by the blood of his cross.”

King of Kings, Lord of Lords!

HOMILY
Solemnity of Christ the King - 22 November 2009

Readings: Dn 7:13-14; Ps 93:1, 1-2, 5; Rv 1:5-8; Jn 18:33b-37


Today we celebrate Christ the King Sunday. We honor and worship Christ, our King of Kings and Lord of Lords. (I can almost hear the great chorus of Handel’s Messiah in the background.)

The prophecies of the Old Testament are replete with references to the promised Messiah as King. In the New Testament, Jesus is called “King Eternal” (1 Tim 1:17), “King of Israel” (Jn 1:49), “King of the Jews” (Mt 27:11), “King of kings” (1 Tim 6:15; Rev. 19:16), “King of the Ages” (Rev 15:3) and “Ruler of the Kings of the Earth” (Rev. 1:5).

It was Pope Pius XI who officially inserted this feast into the liturgical calendar in his encyclical “Quas Primas” in 1925.

1925 was a Jubilee Year. It was also not the happiest of times. Europe was still reeling from the effects of World War I and, in a little more than a decade, another even bigger war would start. It was also a time that saw the rise of secularism, anti-clericalism, and Godless communism.

The feast of Christ the King was instituted to rekindle the faith of Christians during dark times, and remind us of the rightful place of Christ in the hearts of individuals, families, and nations.

1. Jesus’ kingdom is primarily spiritual.

In Jn 18:36, in the Gospel this Sunday, Jesus tells Pilate that his “kingdom does not belong to this world”. Pilate didn't get it. Many Jews in Jesus’ time, including some of his disciples, didn’t get it. Many in our time still insist to see it their way. And so it is worth repeating here: Jesus did not come to assume the role of a political hero or economic savior.

Our problems of corruption in public office, destruction of the environment, break-up of marriages, killings of the unborn, and a myriad other problems, all have their roots in sin and death. Jesus came to conquer sin and death, the very roots of oppression and poverty.

Pope Pius XI teaches in Quas Primas 19: “When once men recognize, both in private and in public life, that Christ is King, society will at last receive the great blessings of real liberty, well-ordered discipline, peace and harmony.”

Jesus came to give us authentic freedom and authentic happiness. The Church bears witness to this commitment to authentic freedom and happiness in our teachings, sacraments, communal life, and in our participation (to some extent) in politics and business.

2. Jesus’ kingdom is universal.

When we say that Jesus’ kingdom is spiritual, it doesn’t mean that He is king only in the spiritual realm, but that since the spiritual realm encompasses everything, it means that He is the King of all - even of those who don't believe.

In both the First Reading from the book of Daniel and the Second reading from the book of Revelation, He is pictured as the Son of Man coming amidst the clouds. He has dominion over all.

He has power over demons, unclean spirits and illness of every kind. He is Lord of nature. He is Lord of the Sabbath. He is the fulfillment of the law and the prophets. Rev 1:8 says He is "the Lord God", "the Alpha and Omega ", "the one who is and who was and who is to come, the almighty".

What does it mean to have a King like this? The Feast of Christ the King reminds us that when we battle our temptations and addictions, we have a King to strengthen us. When we stand up to our faith, and to what is right and just, we have a King by our side. We are not alone. And He is bigger than our problems and any obstacle that life may present to us.

3. Jesus’ power is an exercise of love.

When we say that Jesus has power over all, we redefine what power means. Col 1:15 says He is “the image of the invisible God”. We are asked to look at Jesus and learn from him. And what do we see?

St. Cyril of Alexandria writes: “Christ has dominion over all creatures, a dominion not seized by violence nor usurped, but his by essence and by nature.”

Since our idea of power has been so distorted by sin, Jesus came to teach us by His very life what true power means. True power comes in the form of a helpless child, an obedient Son, an itinerant teacher who has nowhere to lay his head, a betrayed friend, a persecuted person, a crucified convict, a dead Messiah, a risen Christ.

In short, true power comes in the form of love – self-giving, self-emptying, poured-out-for-others love. It is this kind of love that has the power to transform persons, families, communities, nations, and the world. We have seen it in the witness of Christian martyrs and saints, and even secular heroes.

St. Augustine says that sin is the separation of love from power. Jesus came to bring love back to the exercise of power, and expose power for what it really is: an exercise of love.

How do we achieve this kind of love? We become like Christ. We serve and love like Christ.

Blessed Teresa of Calcutta advises: “To be able to love one another, we must pray much, for prayer gives a clean heart and a clean heart can see God in our neighbor. If now we have no peace, it is because we have forgotten how to see God in one another. If each person saw God in his neighbor, do you think we would need guns and bombs?”

Let us pray then on this feast of Christ the King that our lives will be transformed, and that we will see this great transforming power in our simple acts of love.

The author and teacher Leo Buscaglia writes: “Too often we underestimate the power of a touch, a smile, a kind word, a listening ear, an honest compliment, or the smallest act of caring, all of which have the potential to turn a life around.” To this we add: Our consistent simple acts of love do not just help others change for the better, they also change us for the better.

Let us pray then on this feast of Christ the King that our lives will be transformed by letting him reign fully in our lives.

Pius XI closes Quas Primas with these words: “He must reign in our minds, which should assent with perfect submission and firm belief to revealed truths and to the doctrines of Christ. He must reign in our wills, which should obey the laws and precepts of God. He must reign in our hearts, which should spurn natural desires and love God above all things, and cleave to him alone. He must reign in our bodies and in our members, which should serve as instruments for the interior sanctification of our souls, or to use the words of the Apostle Paul, “as instruments of justice unto God” (Rom 6:13).

How do we let Christ reign in our lives? Magigibo ta ini kun kita magtubod, magsunod, mamoot asin maglingkod ki Kristo, asin hale Saiya pasiring sa satong kapwa.

Happy feast of Christ the King! Viva El Cristo Rey!