An mga Tentación sa Misyon

 

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Marzo 9-15, 2025. Basahon an Evangelio gikan sa Lucas 4,1-13 (Enot na Domingo kan Cuaresma - C).

…

An istorya sa Evangelio iyó an pagsugót sa satóng Kagurangnan Jesu Cristo kan Diablo. Masasabing an gabós na tentación, panlalansé o kaputikan. Asín an Diablo an pangenot na paralansé. Anó man an boót niyáng lansehón ki Jesús? Boót kan Diablo na raotón asín talikdan ni Jesús an Saiyang misyon. Iníng tolóng tentación tumang sa tolóng misyon ni Jesús: an Saiyang pagigin Hadè, Padì, asín Profeta—na ihinirás man satô kan kitá binonyagán.

Enot na tentación: gibohon na tinapay an mga gapô.

Boót kan demonio na gamiton ni Jesús an Saiyang kapangyarihan tanganing tulos mahalè an Saiyang gutom, dangan na kun gibohon man Niyá iní sa katawohan, madalî sindang másurunód Saiya. Alagad bakô siring kainí an misyon nin pagkahadè ni Jesús. Siyá hadè na naglilingkod, asín boót Niyáng arogon iní kan Saiyang mga disipulos.  Sa Lucas 22,26, tinukdô Niyá: “an boót mamayó saindo magin siring sa naglilingkod.” Dangan an boót Niyáng itaó sa kinâban bakô saná tinapay na pag kinakán nakakabasóg alagad magugutom man giraray, kundî an Saiyang sadiri mismo bilang Tinapay nin Búhay na daíng kasagkoran.

Sa pagsabuhay niatò kan misyon nin pagkahadè, maglikáy kitá sa tentación nin kahugakan sa paglingkod asín paggamit sa pagtios nin kapwa para sa sadiring interés. Maglikáy man sa tentación nin pag-abuso sa kapangyarihan kun magkapót nin katongdan. Ngonian na eleksyon, midbidón ta kun siisay an mga kurakot, asín daí magin kasabwat ninda, lalò na sa barakalan nin boto.

Ikaduwáng tentación: magsamba sa Diablo katukal kan mga kahadean nin kinâban.

Sabi sa 1 Timoteo 2,5, si Jesu Cristo an “tagapagultanan kan Diós asín tawo”. Kun si Jesús magsamba sa Diablo, bakô na Siyá an Halangkaw na Padì na tagapagultanan ta sa Amâ. Kayâ maninigò sanáng sawayón ni Jesús an Diablo sa paagi kan enot sa Sampulong Tugon: “An Kagurangnan mong Diós an sasambahón mo, asín Siyá saná an lilingkodán mo.”

Sa pagsabuhay niatò kan misyon nin pagkapadì, maglikáy kitá sa tentación na daí magtaó nin maninigong pagsamba sa Diós asín pagpamuraway sa Saiyang ngaran. Maglikáy man na daí magsamba sa mga diós-diósan sa ngonian na panahón – kapangyarihan, kayamanan, kasikatan, kaogmahan sa lamán, asín ibá pa. Sabi ni Jesús sa Marcos 8,36: “Ta anó an pakinabang nin tawong ginana an kinâban, alagad napierde an kalág?”

Ikatolóng tentación: maglukso halè sa tuktok kan Templo.

Ta sasaluhón man saná daá Siyá nin mga angeles. Kun gibohon iní ni Jesús, siguradong masikat Siyá asín dakúl an matubód na sinugò nanggad Siyá kan Diós. Alagad bakô sa siring na paagi gigobohon ni Jesús an Saiyang pagkaprofeta. Mátubód Saiya an bilog na kinâban bakô nin huli sa ngangalasan na sinaraló Siyá nin mga angeles kundî na initaas Siyá sa cruz sa sarô asín solamenteng sacrificio na maligtas sa gabós.

Sa pagsabuhay niatò kan misyon nin pagkaprofeta, maglikáy kitá sa tentación na matakot na mag-sacrificio para sa katotoohan asín katanosan ta tibaad pag-ulokan, iwalon, o isikwal. Maglikáy sa tentación na paorogón an kapaabaw-abawan asín pagpasikat kan sadiri kisa pagsunód sa kabôtan nin Diós asín pagpamuraway Saiya.

Linawon ta na an panggana ni Jesús sa mga tentación kan Diablo daí nangangahulugán na kaya ta man daogón an tentación sa sadiri niatòng kusog asín kakayahán. Kundî na kaipuhan ta si Cristo sa hampang kan kadakul na sugót sa satóng buhay, nin huli ta sabi nganì sa Filipos 4,13: “Gabós kaya ko sa Saiya na nagpapakusóg sakô.”

…

GIYA SA PAGHIRÁS SA SADÍT NA KOMUNIDAD O PAMILYA | Maghirás nin experiencia nin saróng tentación na inagihan mo sa búhay, asín kun pàno mo namatean an tabang asín pagkaherak nin Diós.

PASUNÓD-SUNÓD KAN WEEKLY SAKOP/FAMILY PRAYER-MEETING | Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Prayers of the People • Closing Prayer • (Spontaneous and Our Father) • Closing Song

Inapód, Sinugò, asin Tinugon para sa Misyon

 

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Julio 14-20, 2024. Basahon an Evangelio gikan sa Marcos 6,7-13 (Ika-15 Domingo sa Ordinariong Panahon - B).

…

Sa Evangelio, sinugò ni Jesu Cristo an Doce Apostoles sa pagmisyon. Siring sa mga apprentices o on-the-job (OJT) trainees, yaon si Jesús sa paggiya sainda mantang inaarog nindang gibohon an mga ginigibo Niya: magtukdô dapít sa Kahadean, magbulóng nin mga may helang, asín magpaluwás nin mga demonio.

Natà ta Doce an Saiyang pinilì? Siring na may doceng tribu an Piniling Banwaan na Israel, tinogdas ni Jesús an institusyon kan Doce Apostoles – bakô saná para magin mga enot na pamayó kan Saiyang Simbahan, kundì para magin tanda kan Simbahan mismo, an bâgong Banwaan nin Diós. Kayâ kan sinubol sinda ni Cristo sa pagmisyon, an sinugò Niya bakô saná an Doce (o once kan panahón kan Ascensión) kundî an bilog na Simbahan – an lambang miembro kainí, kaidto, ngonian, asín sagkod pa man.

Anó an mensahe para sa sato kan istoryang iní sa Evangelio? Paghorop-horopan ta iníng tolóng ginibo ni Jesús sainda: inapód Niya sinda, asín sinugò sa misyon, dangan tinâwan nin nagkapirang tugon.

Inapód kita na magin mga disipulos ni Cristo.

Lambang sarô sa Doce inapód ni Cristo na magin disipulo Niya. Kita man nagin mga disipulos Niya huli  sa bonyag. Sabi ni San Pablo sa Efeso 1,4-5: “Pinilì kita kan Amâ bâgo tugdasón an kinâban na magin banál asín mayong digtâ sa atubang Niya; sa pagkamoot itinakdâ Niya kita kan enot pa, para sa kamugtakan nin akì huli ki Cristo, para Saiya.”

Nin huli sa sacramento kan bonyag kita nagigin mga akì kan Amâ, asín poón digdi minatalubò kita sa pagigin mga disipulos ni Jesús. Para sa mga Cristianong nabonyagán na akì pa, kaipuhan na magkaigwa nin tuyong pagpilì sa Diós asín paglingkod Saiya pag nasa hustong isip asín boót na. May nagkapira kitang mga programang renewal na nakakatabang tanganing magibo iní, siring kan Youth Encounter, Parish Renewal Experience, Marriage Encounter, Cursillo, New Evangelization Pastorale, Christian Life Program, Life in the Spirit Seminar, asín iba pa. Dangan ipadagos sa pagigin miembro nin mga Saradít na Komunidad nin Pagtubód, o Basic Ecclesial Communities, o arín man sa manlaén-laen na mga movimientos asín komunidad sa satong Simbahan.

Sinugò kita sa misyon nin Evangelización.

An gracia nin pagtubod daí tinaó sato para sa sadiri lamang, kundî para ihirás. Sa Mateo 28, 19-20, sinugò ni Jesús an Simbahan: “lakáw, gibohang disipulos an gabós na nación; bonyagán sa ngaran kan Amâ, kan Akì, asín kan Espiritu Santo; tukdoán na mag-utób kan gabós Kong itinugon saindo.” An mga Cristiano inaapód bakô saná na magsirimba kundî na magin Simbahan na nagmimisyon.

Sa saindang pagmisyon an mga Apostoles nagbalangibog kan Marhay na Baretà sa manlaén-laen na paagi. Kita man inaapód na magmisyon susog sa balaog na tinaó sato kan Espiritu. Si San Pablo nagtukdô 1 Corinto 12,4-5: “Manlaen-laen an mga balaog, alagad sarô saná an Espiritu. Manlaen-laen an paagi nin paglingkod, alagad sarô saná an Kagurangnan. Igwa nin manlaen-laen na kakayahán sa pagtrabaho alagad sarô saná an Diós na nagtátaó kan mga kakayahan na iyán sa gabós na tawo.”

Tinugon kita na danay na magsarig sa Diós.

Alagad maski nganì magabát na an misyon, may dinagdag pang tugon si Jesús: daí magdará nin anoman na bagay kundî an pinakadikít na kaipuhan saná. May razón kun natà hinagad Niya iní sa mga Apostoles: tanganing daí sinda – asín kita man – magsarig sa mga bagay na kinâbanon kundi sa Diós saná. Kun an Diós daí kita pinapabayaan sa aroaldaw niatong pangangaipo, anó pa daw kun kita naggigibo kan misyon na tinaó Niya sato?

…

GIYA SA PAGHIRÁS SA SADÍT NA KOMUNIDAD O PAMILYA | Anó an mga balaog o kakayahan na tinaó saimo nin Diós? Anó man sa hilíng mo an misyon na tinataó saimo nin Diós?

PASUNÓD-SUNÓD KAN WEEKLY SAKOP/FAMILY PRAYER-MEETING | Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Prayers of the People • Closing Prayer • (Spontaneous and Our Father) • Closing Song

Inapod asin Sinugo

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Hunyo 18-24, 2023. Basahon an Evangelio gikan sa Mateo 9,36–10,8 (Ika-11 Domingo sa Ordinariong Panahon - A).

…

An istorya sa Evangelio nagpoón sa pagkaherak ni Jesu Cristo kan nahiling Niya an katawohan na naghahalat Saiya. Iní pinahilíng Niya, enot, sa pagsadól sa Saiyang mga disipulos na magpangadyî sa Kagurangnán na magpadará nin mga paraaní sa Saiyang aanihon; dangan, sa pagsubol sa doce na magmisyón sa “mga nawáwaráng karnero kan Israel”. Anó an mensahe sato kainí?

Enot, an Diós mahéherakón. Iní pinahayag mismo ni Jesús sa Saiyang ministerio público, sa Saiyang pagtukdô sa mga dukhâ, pagbulóng sa mga naghehelang, asín pagpatawad sa mga parakasalà. Oróg sa gabós, sa pagdusay kan Saiyang sadiri sa cruz para sa gabós na tawo – sa mga naglalakaw sa matanos na dalan asín sa mga nawáwarâ, sa mga disipulos Niya patín sa mga kaiwal Siya. Nasusurat sa Roma 5,8: “Pinamidbid na gayo nin Diós an Saiyang pagkámoót sato: kaidto pang parakasalà kita, nagadán na si Cristo para sato.”

Ikaduwá, hinirás ni Jesús an misyon nin pagkaherak sa Saiyang mga disipulos. Sabi Niya sa Lucas 6,36: “Magín maheherakón kamo, siring na an saindong Amâ maheherakón.” Kayâ inapód Niya an doce, tinâwan nin kapangyarihan, asín sinugò na maggibo nin siring sa Saiyang mga gibong herak. Siring man sa Evangelio inapód an doce na mga “apóstoles”, sa Griego apostoloi, “an mga sinugo” – sa pagdará nin pagkaherak.

An Doce Apóstoles iyo sinda: Simón na inaapód man na Pedro, Andres, Santiago, Juan, Felipe, Bartolomé, Tomás, Mateo, Santiago na aki ni Alfeo, Tadeo, Simón na Cananeo, asín Judas Iscariote. Sa Evangelio ni San Juan, isinabáy an ngaran na Natanael sa Doce, kaya pinagtutubodán na iní asín si Bartolomé parehóng tawo man saná. An nagsalida ki Judas Iscariote sa Doce iyo si Matías. Sa Bàgong Tipan igwa nin mga ináapód man na apóstoles maski bakô kasabay sa Doce, siring ki Pablo, Bernabé, Timoteo, Tito, Apolos, asín Santiago na ináapód na “tugang ni Jesús”.

An mga apóstoles minimidbid na tinâwan nin katongdán na mamayó sa pagbalangibog kan Marháy na Baretà asín pag-ataman sa mga komunidád nin pagtubód. Sa pag-agi kan panahón an mga kasalida ninda inapód na mga obispo na may katongdán sa pangataman sa Simbahan. An mga obispo hiníhirásan man an mga padì asín diakono kan saindang katongdán o oficio na maglingkod sa Simbahan. An pakikihirás nin mga clero – mga obispo, padì, asín diakono – sa misyon ni Cristo ináapód na pagkapading ministeriál (ministerial priesthood).

Alagad bakô man saná an mga clero an hinirasán ni Cristo na magpadagos kan Saiyang misyon nin pagkaherak, kundî an gabós Niyang disipulos sa gabós na panahón. An istorya sa Evangelio nin pagsubol sa misyon sa mga apóstoles, pasabóng asín pag-andam saná sa Dakulang Pagsugò na itátaó ni Jesús sa gabós Niyang mga disipulos bàgo kan Saiyang Ascensión sa langit. Sa Mateo 28,19-20 nagsugò Siya: “Lakáw kamo, gibohang disipulos an gabós na nación! Bonyagán sa ngaran kan Amâ, kan Akì, asín kan Espiritu Santo. Tukdoán na mag-utób kan gabós Kong itinugon saindo.”

An pakíkihirás nin gabós na binónyagán sa misyon ni Cristo ináapód na pagkapading común (common priesthood). Sa Lumang Tipan may profesía na nganì dapit kainí, kan an Diós makipagtipan sa Israel sa bulód Sinai. Sa Exodo 19,6 nasusurat: “Magigi Ko kamong kahadean nin mga padì asín banál na nación.” Boót sabihon an pagigin Cristiano, bakô saná an pagigin paratubod asín parasunod ni Cristo, kundî sinusugò Niya man kita sa paggibong herak asín paghirás kan Marhay na Baretà sa satong kapwa, tanganing nin huli kainí madará sinda – asín kita gabós – sa Kahadean nin Diós.

…

GIYA SA PAGHIRÁS SA SADÍT NA KOMUNIDAD O PAMILYA • Sa panahón ngonian nin krisis sa ekonomiya (patin na nin huli kan pagtuga kan bulkan), pàno mo ihíhirás sa kapwa an pagkaherak ni Cristo?

PASUNÓD-SUNÓD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Prayers of the Faithful • Closing Prayer (Spontaneous and Our Father) • Closing Song

 

An Pamanggi sa Emmaus

Giya sa Prayer-Meeting nin mga Saradít na Komunidad nin Pagtubód (SAKOP) para sa Semana kan Abril 23-29, 2023. Basahon an Evangelio gikan sa Lucas 24,13-35 (Ikatolóng Domingo kan Pascua nin Pagkabuhay-Liwát).

…

An istorya sa Evangelio iyó an pag-ibá ni Jesús sa duwá Niyang disipulos mantang sinda nagbabaklay pasiring sa Emmaus. Mantang iní totoong nangyari, isinurat man iní bilang alegoría, o istorya na may hararom na kahulugán sa paagi nin mga simbolóng ginamit. Iní sarong alegoría kan pagpamidbid sato ni Cristo, orog na sa mga parte kan Eucaristía o Santa Misa.

Liturgía kan Tataramon an enot na kabtang kan Santa Misa. Sa dalan, tinukdô ni Jesús sa duwáng disipulos an tamang interpretasyon kan mga mga profesía dapit Saiya sa mga libro nin mga Tugon asín Profetas. Kayâ nagtutubód kita na an gabós na Kasuratán makukua an pinakakahulugan ki Jesu Cristo. Si Cristo an kapanoan kan pagpamidbid nin Diós, kayâ Siya an llave sa pakasabot sa mga Kasuratán, sa kasaysayan nin kaligtasan nin bilog na kinâban, patín sa satong personal na istorya nin kasâlan asín kapatawadán. Sabi sa 1 Pedro 1,21: “Huli Saiya nagtutubód kamo sa Diós na nagbangon Saiya halè sa mga gadán asín nagtaó Saiya nin kamurawayan,; malà an pagtubód nindo asín paglaom yaon sa Diós”.

Sa satong pagsimba, nagdadangóg daw kita nin maigot sa mga Babasahon? Pag-ulî, nabalô ta na lamang na balikán na basahon sa biblía an mga mga nadangog ta sa Santa Misa? Nagkaoras na lamang kita sa paghorop-horop kan mga Babasahon susog sa mga experiencia ta sa buhay, o sa pag-adal pa nin hararom dapit sa tamang pagsabot kan mga iní? Paladan kita kun nakagibo kita maski sarô lamang sa mga iní. Nin huli ta an Banal na Kasuratan biyayà nin Dios sa katawohan.

Liturgía kan Eucaristia an ikaduwáng kabtang. Kan sinda namamanggi, kinuá ni Jesús an tinapay, binaak, nagbendicion, asín binuksan an mga matá kan duwáng disipulos tanganing mamidbidan ninda Siya. Hanggang ngonian, nagpapadagos an Saiyang presencia sa satong buhay lalò na cada vez minacelebrár kita kan Eucaristía.

An satong pagsimba cada Domingo, mas nahihilíng ta daw bilang obligación o mabiyayang pakipagtagpoan ki Cristo na tinatao an Saiyang sadiri sato? Gurâno kahalagá sato an pag-akò Saiya sa communión na nasa estado de graciá, boot sabihon, daí nakagibo nin kasâlan na mortál? Nahihilíng ta daw na nakakapakusóg kita nin pagtubód kan lambang sarô na miembro kan Hawak ni Cristo sa cada pagparticipár niato sa Santa Misa?

Pagpulî an katapusan kan Misa. Kan si Jesús nawarà na, nag-istoryahan an duwáng disipulos. Sa Lucas 24,32 nagsabi sinda: “Bakóng naglalaad an satong mga pusò kan nagtátarám Siya sato sa dalan asin binubuksan sato an mga Kasuratán?” Dangan nagdesisyón sinda na magbalík sa Jerusalem asín ihirás iníng marhay na baretà sa ibang mga disipulos. Sa katapusan kan Misa, an padi minasabi, “Paduman, tapos na an Misa”. Alagad daí kita minahalè na siring saná kan dati, na garó daíng nabàgo satuya, nin huli ta nakaibahan ta si Cristo asín dara-dara ta na an Saiyang presencia asín Marhay na Baretà sa satong mga sadiri.

Sa satong pagsimba asin sa pagmisyon pakasimba, kita nagigin Simbahan. Asin iní an satong misyon: enot, na padagos pang bàgohon an sadiri tanganing makaarog lalò ki Cristo; ikaduwá, na ihirás an Saiyang pagkamoot sa laog asín luwas kan satong pamilya, orog na sa kapwang nangangaipo. Sabi sa Psalmo 16,11, na iyó man an ipinahayag ni San Pedro sa Gibo kan Mga Apostoles 2,28: “Ipinaaram Mo sako an mga dalan nin buhay; papanoón Mo ako nin kaogmahan sa atubang Mo”. Iníng pagtukdô sa dalan nin buhay asin kaogmahan kan presencia ni Cristo an manínigong ihirás niato sa kapwa sa satong pagmisyon pakasimba.

…

GIYA SA PAGHIRÁS SA SADÍT NA KOMUNIDAD O PAMILYA • Maghirás kan saimong experiencia nin gracia, o kadificilan, sa pagsimba, asin kun pa’no mo iní naisasabuhay asin naihihirás sa kapwa.

PASUNÓD-SUNÓD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Prayers of the Faithful • Closing Prayer (Spontaneous and Our Father) • Closing Song

 

Simbahan na Nagmimisyon

 

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Hulyo 3-9, 2022. Basahon an Evangelio gikan sa Lucas 10,1-12,17-20 (Ika-14 Domingo sa Ordinariong Panahon - C).

…

An istorya kan pagsugò ni Jesu Cristo sa Saiyang 72 na disipulos na magmisyon makukua saná sa Evangelio ni San Lucas, asin nakaomagid sa istorya kan pagtugon nin Dios ki Moises, sa Mga Bilang 11, na magpilì nin 70 gurang na hihirasán kan saiyang misyon na darhon an banwaan Israel pasiring sa Dagáng Panugâ.

Sarô pang kahulugan kaini makukua sa paagi kan tradisyon nin mga Judío sa numerología o pagtaóng kahulugan sa mga numero. Halimbawa, an 7 banal na numero nin Kagurangnan, asin an 12 tandà kan banwaan Israel na may doceng tribu. Kun idagdag sa 72 an 12 apostoles, magigin 84 o pitong docenang disipulos. Pwedeng sabihon na ining banal na misyon tinatao ni Jesus bakô saná sa sadít na grupo nin mga pinilì kundi sa gabós na kabilang sa Banwaan nin Dios.

An lambang sarô sato inaapod ni Cristo bakô saná sa pagsimbá kundi sa pagigin Simbahan na nagmimisyon. Mahalagá an pagsimba lalò na kun Domingo nin huli ta ini an “burabod asin kaitaasan nin buhay Cristiano”. Alagad an katuyohán kan satong pagsimba iyo na kita mabasóg asin mapakusóg sa misyon, asin ihirás sa kapwa an gracia nin Dios na nakua ta sa Santa Misa.

An istorya sa evangelio nagtatao man sato nin mga giya kun pàno gigibohon ining misyon.

An satong misyon pakihiras niato sa misyon ni Cristo. Pinònan ni Jesus an pagsubol sa misyon sa pagpamìbì na hagadon sa kagsadiri nin ani an dakúl pang mga paraaní. Kita mga katabang saná sa dakulang anihan nin Dios. Kaya kun kita nakikihirás sa misyon ni Cristo mahihimo ta an gabós, kun bakô man tulos, sa ngapit na panahon. Sabi sa Filipo 4,13: “Kaya kun mahimo an gabós nin huli ki Cristo na nagpapakusóg sako.”

Binoót nin Dios na may mga kaibahan kita sa dalan. Pinadará ni Jesus an 72 na manduwá-duwá, pagirumdom na bakóng solong esfuerzo an misyon kundi tinawan kita nin mga pag-iriba sa paglakbay. Sinda an mga nagtatabang sato na magin maimbod sa misyon asin magtalubò sa pagtubód, paglaom, asin pagkamoot. Asin kun sa pagmisyon, marayô kita sa mga mahal sa buhay, dai man giraray kita masolo: kaiba ta si Cristo, na nanugà sato sa Mateo 28,20: “Ako danay na kaibahan nindo sagkod sa katapusan nin panahon.”

Ining misyon naghahagad kan satong bilog na isip, pusò, asin boot. Tinugon man sinda ni Jesus na dai magdará nin kadakul na gamit, ni makipagparakahuron sa mga nasasabatan sa dalan, kundi na paorogón sa gabos an misyon. Anuman na nakakaoláng iwalat, anuman na nakakatabang akoon. Dai magpilì kun saen mas marhay an estaran o kakanon, an mahalaga iyo an misyon. Sa pagbaklay asin pagtukdò, sa pagbulóng asin pagpalayas nin mga demonio, gibohon an mga ini susog sa misyon na ipahayag an pagdatóng kan Kahadean.

An kaogmahan sa misyon balaog nin Kagurangnan. Nag-urulî  an mga disipulos na maogma nin huli kan saindang experiencia sa misyon. Sabi sa Psalmo 100,2: “Maogmang maglingkod sa Kagurangnan!” Minsan siring, pigtamà ni Jesus an saindang pakasabot kan tunay na kaogmahan: bakô nin huli ta an mga espiritu nagpapasakop saindo, “kundi na an saindong mga ngaran nasusurat sa langit”. An Kahadean nin Dios an ginigikanan kan satong kaogmahan.

…

GIYA SA PAGHIRÁS SA SADÍT NA KOMUNIDAD O PAMILYA • Maghirás nin experiencia kun pàno mo nasasabuhay asin nahihirás sa kapwa an gracia nin pagsimba.

PASUNOD-SUNOD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Closing Prayer (Spontaneous and Our Father) • Closing Song

 

Naherakan Tanganing Magmisyon

 

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Octobre 24-30, 2021. Basahon an Ebanghelyo gikan sa Marcos 10,46-52 (Ika-30 Domingo sa Ordinariong Panahon – B ).

…                                                                                                     

Sa Ebanghelyo ni San Marcos, an istorya kan pagbulong ki Bartimeo, sarong lalaking buta sa Jerico, iyo an huring milagro ni Jesus sa dalan sa Saiyang paglakbay, kaiba an Saiyang mga disipulos, pasiring sa Jerusalem.

Minsan ining istorya totoong pangyayari, an paagi nin pakaistorya panô nin mga simbolo nin pagigin disipulo ni Cristo. Kasunod ini kan mga istorya kan lalaking mayaman na naghapot kun pano makakamtan an buhay na daing kasagkoran (Marcos 10,17-31) asin an pabor na pighagad ni Santiago asin Juan na sindang duwa matukaw sa kataed Niya sa kamurawayan, an saro sa too asin an saro sa wala (Marcos 10,35-45).

Sa naenot na duwang istorya, pigtama ni Jesus an mga saláng pakasabot nin mga tawo, asin nin Saiyang mga disipulos mismo, manunungod sa Kahadean asin pagigin disipulo Niya. Sa istorya kan pagbulong ki Bartimeo, tinatawan kita nin ladawan nin tamang pagsunod ki Cristo: naherakan tanganing magmisyon.

An disipulong naherakan linaladawan ni Bartimeo. Enot, pigmidbid Niya si Jesus bilang saiyang tagapagligtas. Sa pagkurahaw niya nin “Jesus, aki ni David, kaheraki ako!”, pigmidbid niya si Jesus bilang Mesias, an pinanugang tagapagligtas kan Israel. Pwera sa mga demonyo, si Bartimeo an suminunod ki San Pedro sa pagmidbid kaini ki Jesus sa publiko.

Ikaduwa, kan inapod siya ni Cristo, tulos siyang naglukso sa pagrani, asin binayaan an alikboy – tanda kan pagtalikod sa lumang pagkatawo asin pag-ako kan Ebanghelyo. Ikatolo, kan narahay siya, tulos nagsunod ki Cristo sa dalan.

An disipulong nagmimisyon linaladawan ni Jesu Cristo mismo. Sa Saiyang mga tataramon asin gibo tinatawan Niya kita nin pangarogan kun pano darhon an Marhay na Bareta sa gabos na tawo.

Enot, dinangog Niya an kurahaw ni Bartimeo. Mantang an mga nasa palibot boot pasilensyohon ining buta, si Cristo tinawan siya nin halaga. Ini man an mensahe ni Papa Francisco sa pagpoon kan Sinodo nin Sinodalidad: na kita magin Simbahan na nagdadangog, sa agrangay nin katawohan orog na nin mga dukha asin mga nasa laylayan kan sociedad.

Ikaduwa, hinimo Niya na an buta makahiling giraray. Bako man kita gabos may kakayahan magbulong sa mga buta, pero an lambang Cristiano may misyon na darhon an katotoohan ni Cristo asin kan Ebanghelyo lalo na sa mga nabubuta nin kaputikan asin panlalanse, asin pag-ambisyon sa kayamanan asin kapangyarihan.

Ikatolo, uminiba Saiya si Bartimeo sa dalan. Madadara ta an kapwa pasiring ki Cristo kun kita man nahihiling na naglalakaw sa saiyang dalan – boot sabihon kun an satong mga gibo asin buhay nagsasaksi ki Cristo.

Sa Mateo 28,19-20 tinao ni Jesus an tugon sa pagmisyon: “Paduman kamo sa gabos na tawo, saen man na lugar; gibohon nindo sindang mga disipulo. Bonyagan nindo sinda sa ngaran kan Ama, kan Aki, asin kan Espiritu Santo. Tukdoan ninda sindadng magkuyog kan gabos na pinagboot Ko saindo.” Kaiba kaini an Saiyang panuga na Siya mismo danay na kaibahan ta sa dalan: “Girumdumon nindo ini: danay Akong kaiba nindo sagkod sa katapusan nin panahon.”

…

GIYA SA PAGHIRAS SA SADIT NA KOMUNIDAD O PAMILYA • Maghiras nin experiencia kun pano nagin marahayon saimo an Kagurangnan, o kun pano ika nakahiras sa kapwa kan pagkamarahayon nin Dios.

PASUNOD-SUNOD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Closing Prayer (Spontaneous and Our Father) • Closing Song

Inapód, Sinugò, asin Tinugon para Sa Misyon

Giya sa Prayer-Meeting nin mga Saradit na Komunidad nin Pagtubod (SAKOP) para sa semana kan Hulyo 11-17, 2021. Basahon an Evangelio gikan sa Marcos 6,7-13 (Ika-15 Domingo sa Ordinariong Panahon - B)

…

Sa evangelio sinugo ni Jesu Cristo an Saiyang Doce Apostoles sa pagmisyon. Siring sa mga apprentice o on-the-job (OJT) trainees, yaon si Cristo sa paggiya sainda mantang inaarog nindang gibohon an mga ginigibo Niya: magtukdô manungod sa Kahadean, magbulóng nin mga may helang, asin magpaluwás nin mga demonio.

Natà ta Doce an Saiyang pinili? An institusyon kan Doce Apostoles siring sa doceng tribu kan Piniling Banwaan na Israel. Bako saná sinda mga pamayó o mga enot na obispo kan Simbahan na tinogdás ni Cristo, kundì an Doce nagrerepresenta sa Simbahan mismo, an bàgong Banwaan nin Dios. Kaya kan sinubol sinda ni Cristo sa pagmisyon susog sa istorya sa evangelio, asin bago kan Saiyang pagsakat sa langit, bako man saná an Doce (o an natadang once sa panahon kan Ascension) an sinusugo Niya kundi an bilog na Simbahan asin an lambang miembro kaini.

Ano an mensahe kan istoryang ini sato sa panahon ngonian? Paghorop-horopan niato ining tolong ginibo ni Jesus sainda: inapód Niya sinda, asin sinugò sa misyon, dangan tinàwan nin nagkapirang tugon.

Inapód na magin mga disipulos ni Cristo. Lambang sarô sa Doce, inapód ni Cristo halè sa manlaen-laen nindang kamugtakan sa buhay, tanganing magin mga disipulos Niya. Kita man nagin mga disipulos ni Cristo salamat sa gracia kan sacramento kan bonyag.

Sa taon kan ika-500 na aniversario kan Cristianismo sa Pilipinas, marhay na girumdumon kun pa’no ining pag-apod ni Cristo nakaabot sato halè sa Jerusalem, sa paagi kan Roma, dangan España. Kan taon 1521 napadpad si Magellan sa mga isla na aapodon Pilipinas, alagad an evangelización nagpoon sana kan 1565 sa pagbalik kan mga Kastila sa pamamayo ni Miguel Lopez de Legazpi. Sa Bicol, nagpoon an Simbahan kan 1573 sa expedicion ni Juan de Salcedo asin pagtogdas niya kan enot na parokya sa Bicol, an Santiago de Libon. Enot nag-abót an mga fraileng Agustino alagad an mga Franciscano an nagpadagos asin nagpalakóp kan pagtubod sa region.

Sinugò sa misyon nin evangelización. An gracia nin pagtubod dai tinao sato para sa sadiri lamang, kundi para ihirás. Sa Mateo 28, 19-20, sinugo ni Jesu Cristo an Simbahan na “padumán sa gabos na tawo saen man na lugar; gibohon sindang mga disipulos Ko. Bonyagan sinda sa ngaran kan Ama, kan Aki, asin kan Espiritu Santo. Tukdoan sindang magkuyog kan gabos na pinagboot Ko saindo.” An Cristiano inapod bakô saná na magsimba kundi na magin Simbahan, na nagmimisyon.

Sa saindang pagmisyon an mga Apostoles nagbalangibog kan Marhay na Bareta sa manlaen-laen na paagi. Kita man inaapod na magmisyon susog sa graciang tinaó sato kan Espiritu. Si San Pablo nagtukdô 1 Corinto 12,4-5: “Manlaen-laen an mga balaog, alagad saro sana an Espiritu. Manlaen-laen an paagi nin paglingkod, alagad saro sana an Kagurangnan. Igwa nin manlaen-laen na kakayahan sa pagtrabaho alagad saro sana an Dios na nagtatao kan mga kakayahan na iyan sa gabos na tawo.”

Tinugon na danay na magsarig sa Dios. Alagad minsan magabat na an misyon, may dinagdag pang tugon si Cristo: dai magdara nin anuman na bagay kundi an pinakadikit na kaipuhan. May razón kun natà hinagad ini ni Cristo sa mga Apostoles: tanganing dai sinda – asin kita man – magsarig sa mga bagay na kinàbanon kundi sa Dios saná. Kun an Dios dai kita pinapabayaan sa aroaldaw niatong pangangaipo, ano pa daw kun kita naggigibo kan Saiyang misyon na tinao sato?

…

GIYA SA PAGHIRAS SA SADIT NA KOMUNIDAD • Ano sa hilíng mo an balaog o kakayahan na tinao saimo nin Dios para sa misyon? Maghirás kun pa’no mo nagamit ini sa pagbalangibog kan Marhay na Bareta.

PASUNOD-SUNOD KAN WEEKLY SAKOP/FAMILY PRAYER-MEETING • Kumustahan/Pamiridbidan • Disposition to Prayer / Silence • Gathering Song • Opening Prayer • Gospel Reading • Reflection • Sharing • Scripture Response • Closing Prayer (Spontaneous and Our Father) • Closing Song

 

God has a Mission for You

HOMILY
5th Sunday in Ordinary Time (C) – 10 February 2013

Readings: Is 6:1-2a, 3-8; Ps 138:1-2, 2-3, 4-5, 7-8; 1 Cor 15:1-11; Lk 5:1-11


The Gospel this Sunday recounts the story of the call of Simon and his partners, the brothers James and John, after a miraculous fish catch. Jesus told Simon (Peter) the iconic words: “from now on you will be catching men” (Lk 5,10).

The same theme of being called by God is found in the other two readings: that of Isaiah in the First Reading and of St. Paul in the Second. In the Old Testament, there is a common pattern, a leitmotif, in the way prophets are called by God.

1. First, God reveals Himself in an extraordinary experience of grace.
2. This evokes feelings of awe, and also sinfulness and unworthiness, in the one called.
3. Then God gives His assurance and
4. ...the call to mission.
5. Finally, the one called accepts God’s invitation.

Sts. Peter and Paul may not be prophets in the Old Testament sense of the word but the same leitmotif emerges in the respective stories of their call. In a way, they are more than prophets for they already share in the three-fold mission of Christ: that of being prophet, priest and king.

And so it is with us. The readings this Sunday are reminders that every one of us is also called by God to mission.

What does it mean to be called? Imagine yourself being plucked out of your ordinary existence and presented by God Almighty Himself with an opportunity to work with Him closely, intimately, in the great task of building His Kingdom? Imagine the many life changes you have to go through if you would take the offer. Wouldn’t you feel honored and at the same time humbled – maybe even troubled by such an offer? Why me, you may even ask.

I know I would; I have gone through a similar experience myself. Same with most priests I know. There comes an inevitable point in seminary formation when we realize we are unworthy of the grace we are seeking. This, I believe, is what being “poor in spirit” means.

It is precisely this spiritual poverty that makes our eyes more open to, our hearts more accepting of, the reality of God’s love happening in many ways in our lives. In turn, this spiritual openness makes us more responsive to God’s call.

This experience is not the exclusive domain of priests and religious today, or prophets of old. There was a wedding I officiated where I remember the groom earnestly declaring to his bride: “I don’t know what I have done to deserve a blessing like you.”

The realization of the gratuitousness of love makes us want to participate more in the experience, and share with others the joy we find in it. This, I believe, is what a “calling” means.

And though we may not have the grand mystical religious experience that prophets and apostles have, God nevertheless calls everyone, each to his or her own mission in life. His call is always to participate in His life of grace ever more fully.

Like the leitmotif of the call of the Old Testament prophets, God’s call to us also follows a pattern.

First, the awareness of mission begins with the realization that God is indeed love (no matter how trite the words nowadays may sound). He has loved us more than what we deserve, more than we can ever know. In short, our being called to mission springs from the joy of being loved, and flows into wanting to share the same joy with others.

Second, our call happens where we are right now. We have become so used to the term “fishers of men”, and thought at the same time that the term refers only to priests or religious, which is not entirely true. Every Christian is a fisher of men. By calling Simon and company that way, Jesus transforms their mindsets – used to seeing mostly the daily grind of their lives and occupation – and opens them to the infinitely greater reality of the Kingdom of God, and their place in it.

Thus, they are no longer just people who merely go about their daily lives – they are transformed. They still go through the same drudgeries of life, but now they are men on a mission. The same applies as well to us.

Fishers of men could then be very well translated to carpenters of homes, builders of communities, teachers of the Truth, students of Christ’s life, call center agents of God, engineers of the Kingdom, planters of faith in persons’ hearts, doctors for the masses, couples for Christ, and so on. Our mission begins where we are right now.

Third, our first mission is personal transformation. As we come to terms with the enormity of the mission and our own inadequacies, we learn that before we can change others, we have to change ourselves first. And if we go by the lessons of Peter, Paul, and the prophets, we learn that transformation is a life-long process. Even with the gift of prophecy, the prophets have their constant struggles with depression and doubt; Paul has his “thorn in the flesh” which “kept him from getting proud”; and we know very well the frailties of Peter.

Fourth, we are working for God. Let us be clear: the transformation that we seek – in ourselves and in the world – is accomplished not so much by virtue of our heroic efforts alone but by our cooperation in the work of God. Our problems may be big, our mission bigger, and ourselves inadequate – but we have a big God, and He will enable and complete us. St. Paul sums it in 1 Cor 15,10 (from the Second Reading): "But by the grace of God I am what I am, and His grace to me has not been ineffective. Indeed, I have toiled harder than all of them; not I, however, but the grace of God that is with me."

As practical application of our reflection upon this Sunday’s readings, I would like to point out that this week, there are two important dates we need to keep in mind – aside from February 14, Valentine’s Day.

February 13 this year is a more important date: it is Ash Wednesday, the beginning of the season of Lent. By the imposition of ash on our foreheads, we commit ourselves to the call to conversion and transformation, which is what Lent is about.

February 12 is another important date: it is the official start of the campaign period for candidates for senators and party lists.

As candidates campaign for our votes, the most recent pastoral letter from our bishops teaches us “to be mindful of our right and duty to promote the common good by using our vote”. It is not about building a “Catholic vote” as about voting according to our conscience. And the bishops also remind us that “conscience must be informed and moral judgment enlightened. A well-formed conscience is upright and truthful. It formulates its judgments according to reason, in conformity with the true good willed by the wisdom of the Creator” (CCC, no. 1783). Thus, even our right to vote becomes an expression of the mission.

Fifth, have you accepted already God’s particular mission for you? Tell God your answer in prayer. But before you do, I would like to share a funny cautionary parable that has circulated in emails some time ago…

While walking down the street one day a Philippine politician is tragically hit by a truck and dies. His soul arrives in heaven and is met by St. Peter at the entrance.

"Welcome to heaven," says St. Peter. "Before you settle in, it seems there is a problem. We seldom see a high official around these parts, you see, so we're not sure what to do with you."

"No problem, just let me in," says the politician.

"Well, I'd like to, but I have orders from higher up. What we'll do is have you spend one day in hell and one in heaven. Then you can choose where to spend eternity."

"Really, I've made up my mind. I want to be in heaven," says the politician.

"I'm sorry, but we have our rules." And with that, St. Peter escorts him to the elevator and he goes down, down, down to hell.

The doors open and he finds himself in the middle of a green golf course. In the distance is a clubhouse and standing in front of it are all his friends and other politicians who had worked with him.

Everyone is very happy and in evening dress. They run to greet him, shake his hand, and reminisce about the good times they had while getting rich at the expense of the people. They played a friendly game of golf and then dine on lobster, caviar and champagne.

Also present is the devil, who really is a very friendly guy who is having a good time dancing and telling jokes. They are all having such a good time that before the senator realizes it, it is time to go. Everyone gives him a hearty farewell and waves while the elevator rises...

The elevator goes up, up, up and the door reopens in heaven where St. Peter is waiting for him, "Now it's time to visit heaven."

So, 24 hours pass with the politician joining a group of contented souls moving from cloud to cloud, playing the harp and singing. They have a good time and, before he realizes it, the 24 hours have gone by and St. Peter returns. "Well, then, you've spent a day in hell and another in heaven. Now choose your eternity."

The senator reflects for a minute, then he answers: "Well, I would never have said it before, I mean heaven has been delightful, but I think I would be better off in hell."

So St. Peter escorts him to the elevator and he goes down, down, down to hell. Now the doors of the elevator open and he's in the middle of a barren land covered with waste and garbage. He sees all his friends, dressed in rags, picking up the trash and putting it in black bags as more trash falls from above. The devil comes over to him and puts his arm around his shoulders.

"I don't understand", stammers the politician. "Yesterday I was here and there was a golf course and clubhouse, and we ate lobster and caviar, drank champagne, and danced and had a great time. Now there's just a wasteland full of garbage and my friends look miserable. What happened?"

The devil smiles at him and says, "Yesterday we were campaigning… Today, you voted."

An Misyon kan Simbahan

HOMILIA
Misa de Aguinaldo, Disyembre 20, 2010


Sa ebanghelyo ngonyan pig-iistorya an pagbareta kan anghel ki Maria na pinili kan Kagurangnan na magin ina kan Saiyang Aki. Aram ta na an simbag ni Maria: "mangyari man lugod susog sa saimong tataramon".

Nagkapirang bagay an magayon tawan na atensyon sa pamilyar na istoryang ini. Enot, an dakulang plano nin Dios para sa satong kaligtasan. Ikaduwa, an partisipasyon nin tawo digdi. Dangan, yaon man an enot na initiatibo hale sa Dios; asin an simbag nin tawo sa initiatibo kan Dios.